قبل راس السنه
أول ما القطر اختفى من قدام عينيها لوسيا وقفت ثواني مكانها وهي حاسة إن الدنيا أخيرًا سكتت
لأول مرة من سنين ماكانش فيه أدريان بيقولها استني
ولا مارينا بتطلب حاجة
ولا حماتها بتفكرها إنها لازم تستحمل عشان البيت
كانت لوحدها
لكن المرة دي وحدتها ماخوفتهـاش
ركبت تاكسي وراحت على الفندق اللي كانت إيلين حجزته لها قبل كده
دخلت الأوضة وقفلت الباب بالمفتاح
وحطت شنطتها على السرير
وبصت للملف اللي جواها
كان ملف بني قديم
لكن اللي جواه كان كفيل يغيّر حياة ناس كتير
فتحت أول ورقة
كشف حساب
وبعده عقد ملكية
وبعده صور تحويلات بنكية
وبعدين ورقة عليها توقيع أدريان
لوسيا فضلت تبص للورقة وهي بتتنفس ببطء
وقالت
أخيرًا وقعت بإيدك
في اللحظة دي موبايلها رن
أدريان
بصت للشاشة وما ردتش
المكالمة انتهت
وبعدها بدقيقة رجع يتصل
المرة التانية برضه ما ردتش
وبعدين وصلت رسالة
إنتي فين
لوسيا حطت الموبايل على الترابيزة
بعدها وصلت رسالة تانية
مارينا مستنياكي
وبعدها تالتة
انتي نزلتي فين
ابتسمت لوسيا لأول مرة من قلبها
وقالت
دلوقتي بس عرفتوا أنا فين
بعد حوالي نص ساعة اتصلت إيلين
وقالت
أنا راجعت الأوراق
إنتي عارفة إن اللي عمله أدريان مش مجرد خيانة ثقة
لوسيا ردت بهدوء
عارفة
إيلين قالت
هو استخدم فلوس الشركة في شراء حاجات باسم مارينا
وفيه تحويلات اتعملت من حساب مشترك بينك وبينه من غير علمك
لوسيا سكتت
إيلين كملت
والأهم من ده كله إن البيت اللي عايشين فيه مش مسجل باسمه لوحده زي ما هو بيقول
لوسيا ابتسمت
عشان البيت نصه باسمي
إيلين قالت
مش نصه يا لوسيا
البيت كله تقريبًا اتدفع من فلوسك
لوسيا قفلت عينيها
افتكرت السنين اللي كانت بتشتغل فيها لحد نص الليل
والفلوس اللي كانت بتحوشها
والبيت اللي كانت فاكرة إنها بتبنيه مع جوزها
لكن فجأة سمعت صوت طرق على باب الأوضة
اتجمدت مكانها
الطرق اتكرر
مرة
