شـ.ـعرت بالعطس
قاطعه بصرامة :- ولا كلمة انت هتنفذ اللي هقوله وبس .
وبالفعل بعد دقائق كان العاملون مجتمعين بالمنزل، ووقف عامر قبالتهم وإلى جواره خالد وهتف بغضب :- طبعًا أنتوا ما صدقتوا تلقوا سيرة چديدة تتسلوا بيها، إيه عرض الناس لعبة عشان تنقلوه من واحد للتاني نسيتوا رسولنا لما قال ” من ستر مسلماً ستره الله في الدنيا والآخرة” لاه انتوا عاملينها لبانة كل شوية في خشم التاني طيب اعرفوا الحقيقة الأول وبعدين اتحدتوا كيف ما انتوا رايدين.
اللي شاف اللي حُصل في الإسطبل عشية وراح نقله ومخافش ربنا رايد أقوله إن دة عادي يحصل بين أي تنين متچوزين ولا ليكم رأي تاني !
نظروا له بصدمة عن أي زواج يتحدث! بينما وكز خالد ليتحدث بدوره فجز على أسنانه بغيظ مكبوت قائلاً :- أيوة صُح الحديت اللي قاله أبوي دي مرتي وأنا ما قولتش لحد عشان خوفت يرفضوا فأتچوزتها على سنة الله ورسوله بس من وراهم بس إتفاچئت لما لقيتهم مش معارضين عشان إكدة هعلن چوازي منيها آخر الشهر، وأي كلب هيچيب سيرتي ولا سيرتها تاني هقطعله لسانه وملهوش عيش حدانا تاني .
أومأ الجميع له بخفوت ثم انصرفوا فجلس إلى جوار جده وهتف بغيظ :- ها عملت اللي انت رايده زين إكدة؟ ودلوك وينها الهانم اللي ورطتني الورطة المهببة دي ؟
هتف بإنفعال:- خالد متنساش إنك اللي غلطان هنادي عليها دلوك هي وأمها وأتفق معاهم .
ثم أضاف بعتاب :- إكدة يا خالد الوليِّة قاعدة إهنة في حمايتنا ويَّا بتها تقوم تعمل إكدة؟
أردف بحرج :- والله ما كنت في وعيي كنت ….
بتر كلماته فبما سيجيبه تخيلها ابنه عمه لذلك ود قربها حتى وإن لم يكن محقاً فيما فعله .
بعد وقت دلفن بخطى بطيئة ثقيلة عليهن من تلك المواجهة.
تقدمت الأم منه وأردفت بصوت محشرج :- أنا خابرة يا حچ بتي غلطت وخونا اليد اللي اتمدتلنا أنا هاخدها وهنهمل الدار والنچع كلاته يا حچ ومش هتشوف وشنا تاني .
نظر لها بتعجب قائلاً :- وه حديت إيه دة، بلاش تحملي حالك فوق طاقتها وهي مغلطتش لحالها ولدي كمان غلطان وعشان إكدة بقولك متخافيش مقامكم محفوظ .
هتفت بنحيب :- راسنا اتحطت في الطين يا حچ والناس ما بترحمش وكلامهم يوچع وكيف السم بس اعمل إيه لبتي الغلط راكبها من ساسها لراسها .
أردف بمقاطعة وكمد فما كان ينقصه هم آخر :- بزيداكي حديت لا هيقدم ولا هيأخر برَّاحة على بتك وبزيادة اللي هي فيه .
